OPHIETIS Petra

OPHIETIS Petra

loci nomen Avieno, qui Ὀφηιτίδα πέτρην, uti Dionys. vocat, arcem Ophietida vertit.

Hic tamen internis Ophietides arcis in arvis

Inter gemmiferas excrescit creber arenas.

Et Prisciano,

Berylli lapidem liquidum, glaucique coloris

Per loca, quae tendunt Ophianae ad moenia petrae.

Sed male: ὀφιήτης enim poetice pro ὀφίτης dicitur, et Ophitem lapidem notat, intra quem Beryllum circa Babyloniam inveniri tradit Dionys. cum ait,

Ὑγρῆς βηρύλλου γλαυκὴν λίθον ἢ περὶ χῶρον

Φύεται εν προβολῇς ὀφιητίδος ἔνδοθι πέτρης.

Nempe εν ταῖς ποβολαῖς, h. e. eminentiis vel prominentiis cautium, edebatur Ophites marmor, intra quod beryllus reperiebatur. Sic et beryllum apud Indos idem Poeta inveniri scripsit, ἐπὶ προβολῆσιν ἀναύρων. Similiter et Sardam, circa Babyloniam, cum lapicidinae quaedam aperirentur, haerentem in saxo, cordis modo repertam fuisse, tradit Plin. l. 37. c. 7. quae omnium erat laudatissima. Dictus autem non locus, sed lapis, Ophites, quod hoc marmoris genus serpentium maculas apprime referret. Vide Salmas. in Solin. p. 340.